اقتصادی تعاون اتے ڈو پاسے رابطیں سمیت سانجھے دلچسپی دے اہم شعبے،علاقائی معاملات تے گالھ مہاڑ تھی
اسلام آباد ۔ 14 دسمبر (اے پی پی) علاقائی امورتوں متعلق پاکستان اتے روس دا پہلا مشاورتی اجلاس بدھ کوںاتھاں دفتر خارجہ اچ منعقد تھیا۔روسی وزارت خارجہ امور اچ نو آزاد ریاستاں دی دولت مشترکہ ڈیسک دے سربراہ الیگزینڈر وی سٹرنک اجلاس اچ اپنڑے ملک جڈاںجو وزارت خارجہ امور اچ ڈائریکٹر جنرل(مغربی ایشیائ) احمد حسین دایو پاکستان دی نمائندگی کیتی۔دفتر خارجہ دے ترجمان دے مطابق مشاورتی اجلاس دے دوران اقتصادی تعاون اتے ڈو پاسے رابطے سمیت سانجھے دلچسپی دے امور تے گالھ مہاڑ کیتی گی ۔ڈوہیں فریقاںاہم علاقائی تے بین الاقوامی امور تے وی گالھ کیتی۔ترجمان دے مطابق ایں گالھ تے وی اتفاق کیتا گیا جو ڈوہیں ملکاں وچال مشاورتی اجلاس دا اگلا مرحلہ آندے سال ماسکو اچ تھیسی۔
مضمون کا ماخذ : لاٹری کے انعامات
